ক্লস্তর অমা হাইবসি হাইরপ মান্নবা পোৎথোকশিং পুথোক্লিবা(সহর মচা অচৌবা/থংনবা খুঙ্গং খরা অমসুং অকোইবদা অয়েতপা-নুংঙাইবা পুন্না শরুক য়ামিন্নরিবা মিওইশিংনা শেম্বা ইউনিতশিংনা পুন্সীণবা মীওই কাংলুপ অমনি। খুৎহৈবগি ক্লস্তর অমা হায়রগা ঐখোয়না অয়াম্বানা খুংঙ্গংশিংদা/সহরগি ওইবা মফম খরদা পুন্না লৈবা ফিশা লোনশাগি ওইবা পোৎথোকশিং পুথোক্লিবা ইউনিতশিংবু খঙনৈ। ময়াম্না খংনরিবা ক্লস্তর অমদদি, অসিগুম্বা পোৎথোক পুথোক্লিবা মীওইশিং অসি অরিবা নাটকি চৎনবি কায়হনদনা লৈজরিবা হাইরিবা মশক খঙলবা পোৎথোকশিং অসিবু মীরোল কয়াদগি পুথোরক্তুনা লাকপা মীওইশিংনা ওই। তশেংবমক, খুৎহৈবা ক্লস্তর ময়াম অমদি চহি চা কয়া কুইরবা খুৎহৈবশিংনি।

কৈনৌ ক্লস্তরগি মতাংদাঃ-

কৈনৌ ক্লস্তর অসি মনিপুর রাজ্যগি ইম্ফাল দিস্ত্রিক্তা লৈ।

কৈনৌ ক্লস্তর অসি খুৎহৈবা/খুৎহৈবী 572 হেনবা অমদি এস,ঐস,জি 32 য়ঙ য়ঙ লাওনা সেম্বা ঙম্বা মীওই কাংলুপ অমনি। মসিগি থবক থৌরমশিং অসি নোংমা নোংমগি মপাঙ্গল কনৎখলক্লি।

লী অমসুং ৱাদগি পোৎ চৈ পুথোকপগি শিনফম অসি মনিপুরদা নোংমগি পুন্সিগা তৎ্নবা থান্নবা য়াদ্রবা মচং ওইবা শরুক অমা ওই। মসি ইপা ইপু হাক্তক্তগি লাকপা শিনফমনি অমসুং নিংশিংবা থোক্ত্রবা মতমদগি চৎনরকপনি। অহানবদদি মসিগি প্রক্রিতিগি ওইবা মশিং শীং অসি পোৎচৈশিং শাবদা শিজিন্নরম্মি। চীংমী খুদিংমক অমদি অতৈ কাংলুপ খুদিংমক শিজিন্নবদা কান্নগদবা নুংগি ফজবা য়াওবা পোৎশিং শাই, মখোইগি হৈ শিংবসিদি চহী চা কয়া শিজিন্নরকপদগি লাকপনি।

অৱাং নোংপোক লমদমদা ৱাগী পোথোক খ্বাইদগি য়াম্না পুথোকপদা মনিপুরসি ত্রিপুরাগি হেক মথংদা লৈ। পনবা য়াবা ৱাগি পোথোক খরদি সোফা সেট, মোরা, ফক,পোলাং, ট্রে, চৌক্রি, টেবল, লৈ হাপ্নবা গম্লা, চুরুপ মথী হাফম, অমসুং অতোপ্পা অকে অমৌগি অমসুং কান্নবা পোৎচৈ শিংনি। ৱা অমসুং লী অসি য়ুম শাবদা, শম্বল খাবদা, নত্তনা শেৎনবা ফিরোল শাবদসু শিজিন্নৈ। তমদা পুথোকপা অয়াম্বা ৱাগী পোৎথোকশিংদি ল ললোল ঈতিক্কী ওইবা খুদম ওইনা পোলাং অমসুং ঙা ফানবা লূ, লূংঊপ, টাইজেপ্নচিংবনি। চীংদনা উপু- ৱাপু, য়ুম কৈ অমদি মসি শাব্দা চঙবা পোৎচৈশিং শানৈ। ললোল ঈতিক্কী পোৎ ময়াম অমা ঙসি শারবসু পোলাং সাব্দা লী শম্নবি, ৱাগা ৱাচেৎকা খুৎলাই খ্বাইদগি চঙদনা। মসি পুম্বা য়ারিবসি য়াম কন্না তেংবা থেকপা য়াবা লী নত্ত্রগা ৱাদুগী মগুন্দুননি। নাপী অমা নাপী অমগা শ্মনবা য়েৎনবা খুৎলাই খ্বাইদগি চংদনা মসিসু লৌখৎপা য়াই।

লীদগি পোৎচৈ শাবসি অয়াম্বনা উপু, টেবল,চৌক্রি,ফমুংনচিংবা স্বাইগি মীপুম খুদিংনা য়াম্না দরকার লৈনা পাম্নবা পোৎ ঙাক্তা ওইনা তৌই। মতমদুদা শাদুনা পুথোখিবা পোৎশিং অমদি হৌজিকসু খুঙ্গংশিংদা শিজিন্নরিবা পোৎচৈশিংদি পত্তলো(পোলাং),ভারলি(চেংজামুক), সুপ্লিস(চেংদা ফতবা খন্দোকনবা), ফক অপিকপা অচৌবা মখল ময়াম অমা অসিনচিংবনি।

ৱাগী মউ অচৌবা নত্ত্রগা পিক্তক তৌবা মউশিংবু লীগা লোইননা মপুম ওইনা নত্ত্রগা মচেৎ ওইনা মখল কয়াগি পোলাংশিং, উপু ৱাপু, য়াঙ্কোক, হুমাই, কোকয়েত, ঙা ফান্নবা খুৎলাইশিং, ছাতিন,লৈমাইদা থানবা ফকশিং শাব্দা শিজিন্নৈ। হোত্ত্রোং হোবা ৱাগী মতাং অনিগি ময়াইদা কক্লগা বিয়র মগশিং,হীদাকফু,পাইপ,অমদি ঈশৈ খোঙনবা য়ন্ত্রশিং শাবদা য়াম্না কান্নৈ।

ৱাগী মউ অচৌবা নত্ত্রগা পিক্তক তৌবা মঊশিংবু লীগা মপুম ওইনা নত্ত্রগা মচেৎ ওইনা মখল কয়াগি পোলাংশিং, উপু ৱাপু,ট্রে, খুৎকি হুমাই,লৈমাইদা থানবা ফকনচিংবা শাব্দা শিজিন্নৈ। পুথোক্লিবা পোৎশিংদা ফক, টেবলগি থাওমৈ,খাও, মোরা,হৈ হাপ্নবা পোলাং,অমদি লৈ হাপ্নবা গম্লাশিং য়াওরি। অতোপ্পা অখন্নবা পোলাংশিংদি ৱাগী স্কৃীন, থাওমৈ মখোং,অমদি টেবলদা থানবা ফক, অসিনচিংবনি। খায়দোক্লবা ৱাদগি শাবা স্কৃীন অসিবু কয়ামুক কুপ্না শাবগে হায়ববু শামু ময়াগী মচুগুম্না ফজৈ অদুগা চংখোল্লী।মখোয়শিং অসিবু য়াম্না ফজনা ৱা মচেৎশিংনা নপতুনা লৈতেংঙি।

খুশারোলশিংঃ-

লী,ৱা, তৌ, ধিতাকুমার মশিং, নাপী, উনা, চে, তেন্সারি, থাঙ্গোনবী, কেরোসিন থাওমৈ, ফক শাবগি কোন।

শুংবগি থৌওংঃ-

লীগি,ৱাগি মউ পুম্বা তেন্সারী অম্না লেন্দুনা কক্লনি অমদি থাঙ্গোনবী অম্না খায়নিংবা চাংদা খায়দোকই। লীদু অসোনবা মৈ অয়াম্বনা কেরোসিঙ্গী থাওমৈনা তপ্না য়াইদুনা উইহল্লী অমসুং কনহল্লি। পোৎশিংদি মখল অনি থোকনা শাবা য়াইঃ কোন্সিল্লগা পোলাং শাবা অমদি ফক শাবা।কোন্সিল্লগা শাবা পোলাংশিংদদি, পোলাং শাবা হৌবদা ময়াই চবুক অমদা লী অমা কোল্লগা হান্না হৌগনি। মদুদগিদি ন্থেক কোন্দুনা অমদি থেক্তুনা তপ্না তপ্না পাম্লিবা চাওবগী চাং অদু য়ৌদ্রিবা ফাওবা শাগনি। কোল্লীবা লীশিংদুবু তাইসিন্দুনা পরেং পরেং পাম্বৈ অনিদা পুলহনবা য়াইঃ

অনৌবা অহৌবগী অকোনবা অদোমদা চৎলিবা ফোৎপা খুদীংমক নম্বর আইতকি মওংদা শেম্মে, হায়বদি ফোৎলিবা অদুনা মনিংলোমদগি কাখৎলকই মথক্তা অমদি মখাগী কোনবদু নত্তবা অনৌবা কোনবদুদা চৎলি। কোন্সিল্লিবা লীশিংদুবু ফজনা তাইশিল্লগা পোলাং অমা শাই।পোলাংশিংগী লৈতেংদি মরী মরাং, চে অমদি থরোই মকুনচিংবা লৈরবা কান্দা তৌবা য়াই।

দাও কৌবা খুৎলাই অমগি মতেংনা ৱাশিংদুবু অপাম্বা চাওবা শাংবগি চাং য়েংলগা শিন্মীশিংনা ককই। ৱাগী চাওবা শাংবগি মতুং ইন্না থাঙ মখল মখল শিজিন্নদুনা ককই। হায়রিবা ৱা অসি পোৎ অমগি নত্ত্রগা উপু ৱাপু চনবগি ফ্রেম শাবা য়ারগনি অমরোমদনা লী মরী অসিদি দিজাইন তৌবদা অমদি পুন্নবগিদম্মক্তা শিজিন্নৈ।লী মরি অসি অপাম্বা থেকনিংবা মওং মশকশিংদা পোৎ অমা শান্নবগী ব্লো লেম্প থাওমৈনা কাম্লগা মৈ য়াইরগা থেকই। অরোইবা মচিনশিংদু নপ্নবা  পোৎ শিজিন্নরগা নত্ত্রগা য়ুপি থাদুনা শমজিল্লি অদুগা তাইনফমশিংদা লী মরীশিংদুনা কিশিল্লী। লী অমসুং ৱাদগি শাবা পোৎশিংবু সিরিস চে না তকথোক নান্থোকই। অদুগা লঙ্খৎনবা ভারনিস থাওনা অমুক তকই।

খুশারোলশিংঃ-

লী অমসুং ৱাগী পোৎশিং শাবগি খুৎশারোলশিংদা তেন্সারিনা মউসিংবু পুলপ ককথৎলগা থাঙ্গোনবী নত্ত্রগা দাও শিজিন্নদুনা অপাম্বা অপাবা মচেৎ মচেৎসিংদা খায়দোকপা য়াওরি। মচেৎশিংদু য়ুঙনা য়ুঙনা খায়থৈ অকনবা মশিংদুগি মরক্তা অদুগা য়াম্না ফজবা মওংদা মনুংদা য়াওরম্বা লৈনীল্গী শ্রুক অদুতবু মৈ পিকনা য়াইদুনা কঙহ্নবা খক্তনি দরকার ওইবা। কেরোসিন গী থাওমৈ অমখক লী অসিবু থেকনিংবা মওংদা থেক্ত্রিঙৈদা মৈ য়াইনবা শিজিন্নৈ।   

লীবুম নত্ত্রগা ৱাবুম পুম্বা তেন্সারি শিজিন্নদুনা ককই অদুগা য়ুঙনা অপাম্বা চাংদা থাঙ্গোনবী অম্না খায়থৈ।লী অদুবু উইনবগিদ্মক্তা কেরোসিন থাওমৈ অমনা তপ্না তপ্না থেক্তোক থেকচিন য়ান্নবগিদ্মক্তা মৈ য়াই। পোৎচৈশিং মখল কয়াগি মওংশিংদা শাবা য়াই। শাবগি খুৎশাদি খুৎননি মচেৎশিংদুবু পোপথোকহন্নবা ঈশিং শিজিন্নদুনা।

কমাইনা মফমসি য়ৌগনিঃ-

গুৱাহাতিদগি নুংতিগি এন,ঐস 39 দা দিমাপুর অমদি কোহিমা ফাওদুনা মনিপুর স্তেত রোদ ত্রান্সপোর্ত কোরপোরেসন(এম,এস,আর,তি,সি) অমদি অতৈ লনাইগি বসশিং চেল্লি। দিমাপুরদগি নুংতিগি মনিপুর স্তেত রোদ ত্রান্সপোর্ত কোরপোরেসন(এম,এস,আর,তি,সি) অমদি লনাই বসশিং চেল্লি। সিলচর দগি নুংতিগি এন,ঐস 53 দা জিরিবাম ফাওদুনা মনিপুর স্তেত রোদ ত্রান্সপোর্ত কোরপোরেসন(এম,এস,আর,তি,সি) অমদি লনাই বসশিং চেল্লি।